ياحبيبي لا تواعد مواعيد وتغيب دامك تقول المواعيد من غير شهوه والله إني من عرفتك وسميتك حبيب أسمع صوت الفناجيل وماشفت قهوه

نحن لا نختار من نسطيع العيش معهم ,بل نختار من لا نستطيع العيش بدونهم ...

أفطن لوقتك لو بدالك بصافيه الوقت مايرحم ولاهوب يآوي راع الردي ياصاح بالك تخاويه من رفقته لازم تشوف البلاوي عليك باللي يرفع الراس طاريه وأن ماحصل ماهو ضروري تخاوي

بعض العرب من جور الايام مجروح.... وبعض العرب دله وسالي ومرتاح مرتاح ماشاف الطباشير واللوح .... ولا راح وقته بين تحضير وصياح حصه نشاط وبالتعاميم مذبوح .... وبين الاحتياط وبين الاشراف سواح

ارجي السنين المقبله تنصف الحال ... عقب السنين اللي مضت لي حزينه مشيت كل دروب الايام رحـــــــال... طال الشقا والحزم طالت سنينه وكل من نشد ويقول وش هي الاحوال... اجامله بالرد واقول زينه!!

لاتشتكي للناس لاضاق صدرك .... الناس ماتملك مسره ولا ياس الناس مثلك حالهم مثل حالـــــك.... والكل من مر الليالي شرب كاس ولا تحسب انك بالتعاسه لحالك.... اعرف ترى عايش معك بالشقا ناس

فوق الجروح اللي بقلبي من سنين يكفي دخيل الله لا تجرحوني ما دامكم مانتم لجرحي مداوين انسوا وجودي بينكم واتركوني وش من عذابي والعنا مستفيدين وش مصلحتكم يوم تبكي عيوني

اغليك اكثر من هلي ورميت روحي بين ايديك لك آخري لك اولي كلي على بعضي ابيك ان كنت ناوي مقتلي برضاي وبكيفي اجيك لانك الغالي علي عمري احطه بين ايديك سويت كل اللي علي واللي بقى كله عليك

ليه التغلي وكل ماادعيك مشغول صرت الكذوب وصرت بالحب بايق روحي تحبك وباقي الفكر مشلول احرقت لي دمي وهذي حقايق حبك سكن بالقلب من غير مدلول انا اتعذب وانت بالحيل رايق

قلت احبك واثر في حبك نشبت وش اسوي دامني فيك ابتليت من هواك ومن غرامك وش كسبت راح عمري من سبايبك وانتهيت غير حبك يا حياتي ماطلبت والمصيبه لا رفضت ولا عطيت

عفيه ع قلبك وعفيه عليك انت تبي الصراحة زين سويت فيني مشكلتي اني ع حبك ادمنت وبكل بساطة قلتها ما تبيني كأنك ع حب الجنوني تجننت والله لجننك لين انك تجيني عفيه ع قلبك شكرا و لاهنت تبي الحقيقة بيدي اعميت عيني

انت عمري لو فقدتك ما بقى لعمري وجود وين اروح بكل حبي وانت لاوطانه امان مالحبك يا عيوني في طرف عيني جحود لو نسيتك ما بقالي وسط هالعالم مكان لو برق شوقك ينادي جاوبه شوقي رعود انت كل الناس عندي يا بعد كل الزمان